ಲಾಕ್ ಡೌನ್ ಅವಧಿಯ 6 ತಿಂಗಳ ಸಾಲ ನಿಷೇಧಕ್ಕೆ ಚಕ್ರ ಬಡ್ಡಿ, ದಂಡ ವಿಧಿಸಬಾರದು > 'ಸುಪ್ರೀಂ'ಕೋರ್ಟ್ - BC Suddi
ಲಾಕ್ ಡೌನ್ ಅವಧಿಯ 6 ತಿಂಗಳ ಸಾಲ ನಿಷೇಧಕ್ಕೆ ಚಕ್ರ ಬಡ್ಡಿ, ದಂಡ ವಿಧಿಸಬಾರದು > ‘ಸುಪ್ರೀಂ’ಕೋರ್ಟ್

ಲಾಕ್ ಡೌನ್ ಅವಧಿಯ 6 ತಿಂಗಳ ಸಾಲ ನಿಷೇಧಕ್ಕೆ ಚಕ್ರ ಬಡ್ಡಿ, ದಂಡ ವಿಧಿಸಬಾರದು > ‘ಸುಪ್ರೀಂ’ಕೋರ್ಟ್

ನವದೆಹಲಿ : ಆರು ತಿಂಗಳ ಲಾಕ್​​ಡೌನ್​ ಅವಧಿಯಲ್ಲಿ ಸಾಲ ಮರುಪಾವತಿ ಅವಧಿ ವಿಸ್ತರಿಸುವ ಬಗ್ಗೆ ಸಲ್ಲಿಕೆಯಾದ ಅರ್ಜಿಗಳ ಮನವಿಯ ವಿಚಾರಣೆಯ ತೀರ್ಪನ್ನು ಸುಪ್ರೀಂಕೋರ್ಟ್ ಇಂದು ಪ್ರಕಟಿಸಿದೆ. ಹಣಕಾಸು ಪ್ಯಾಕೇಜ್ ಮತ್ತು ಉತ್ತೇಜನ ಘೋಷಿಸಲು ಸರ್ಕಾರ ಮತ್ತು ರಿಸರ್ವ್ ಬ್ಯಾಂಕ್‌ಗೆ ಯಾವುದೇ ನಿರ್ದೇಶನಗಳನ್ನು ನೀಡಲು ಆಗುವುದಿಲ್ಲ ಎಂದು ಸುಪ್ರೀಂಕೋರ್ಟ್ ಮಂಗಳವಾರ ಸ್ಪಷ್ಟಪಡಿಸಿದೆ. ನಿಷೇಧದ ಅವಧಿಯಲ್ಲಿ ಸಾಲಗಳಿಗೆ ಯಾವುದೇ ಸುಸ್ತಿ ಬಡ್ಡಿ ವಿಧಿಸಬಾರದು ಎಂದು ನ್ಯಾಯಾಲಯ ಆದೇಶಿಸಿದೆ.

ಕೋವಿಡ್​ -19 ಸಾಂಕ್ರಾಮಿಕದ ವೇಳೆ ಘೋಷಿಸಲಾಗಿದ್ದ ಆರು ತಿಂಗಳ ಸಾಲದ ನಿಷೇಧದ ಅವಧಿಗೆ ಸಾಲಗಾರರಿಂದ ಯಾವುದೇ ಚಕ್ರ ಬಡ್ಡಿ ಅಥವಾ ದಂಡ ವಿಧಿಸಬಾರದು. ಈಗಾಗಲೇ ವಿಧಿಸಲಾದ ಮೊತ್ತವನ್ನು ಮರುಪಾವತಿಸಬೇಕು ಅಥವಾ ಸಾಲದೊಂದಿಗೆ ಸರಿಹೊಂದಿಸಿಕೊಳ್ಳಬೇಕು ಎಂದು ನಿರ್ದೇಶಿಸಿದೆ.

ಯಾವುದೇ ನಿರ್ದಿಷ್ಟ ಹಣಕಾಸು ಪ್ಯಾಕೇಜ್ ಅಥವಾ ಪರಿಹಾರವನ್ನು ಘೋಷಿಸಲು ಸರ್ಕಾರ ಅಥವಾ ಆರ್‌ಬಿಐಗೆ ಯಾವುದೇ ರೀತಿಯ ನಿರ್ದೇಶನ ನೀಡಲಾಗುವುದಿಲ್ಲ. ಇತರ ಕ್ಷೇತ್ರಗಳಿಗಿಂತ ಹೆಚ್ಚಿನ ಮತ್ತು ನಿರ್ದಿಷ್ಟ ಕ್ಷೇತ್ರಗಳಿಗೆ ಪರಿಹಾರ ಒದಗಿಸುವಂತೆ ಸರ್ಕಾರ ಹಾಗೂ ಆರ್​ಬಿಐಗೆ ಸೂಚನೆ ನೀಡಲು ಸಾಧ್ಯವಿಲ್ಲ ಎಂದಿದೆ.

ನ್ಯಾಯಮೂರ್ತಿಗಳಾದ ಡಿ ವೈ ಚಂದ್ರಚೂಡ್, ಎಂ ಆರ್ ಶಾ ಮತ್ತು ಸಂಜೀವ್ ಖನ್ನಾ ಅವರಿದ್ದ ನ್ಯಾಯಪೀಠವು ಸಾಲದ ನಿಷೇಧ ಮತ್ತು ಬಡ್ಡಿ ಮನ್ನಾ ಕುರಿತು ತೀರ್ಪು ಪ್ರಕಟಿಸಿತು. ನ್ಯಾಯಮೂರ್ತಿ ಅಶೋಕ್ ಭೂಷಣ್ ನೇತೃತ್ವದ ನ್ಯಾಯಪೀಠವು ಈ ಹಿಂದೆ ತನ್ನ ತೀರ್ಪನ್ನು ಕಳೆದ ವರ್ಷ ಡಿಸೆಂಬರ್ 17ರಂದು ಕಾಯ್ದಿರಿಸಿತ್ತು.

ಈಗಾಗಲೇ ತೆಗೆದುಕೊಂಡರೆ ಮೊತ್ತವನ್ನು ಸಾಲಗಾರರಿಗೆ ಸರಿಹೊಂದಿಸಬೇಕು ಎಂದು ಸೂಚಿಸುತ್ತದೆ. ಆದರೆ, ಆಗಸ್ಟ್ 31ರವರೆಗೆ ನಿಷೇಧ ವಿಸ್ತರಿಸಲು ಕೇಂದ್ರಕ್ಕೆ ಆದೇಶಿಸಲು ಸಾಧ್ಯವಿಲ್ಲ ಎಂದು ಕೋರ್ಟ್​ ಸ್ಪಷ್ಟಪಡಿಸಿದೆ.

ಕೋವಿಡ್ ಸಾಂಕ್ರಾಮಿಕ ರೋಗದ ದೃಷ್ಟಿಯಿಂದ ನಿಷೇಧವನ್ನು ವಿಸ್ತರಿಸಲು ಕೋರಿ ಅರ್ಜಿಗಳನ್ನು ಆಲಿಸಿದ ನಂತರ ಸುಪ್ರೀಂಕೋರ್ಟ್, ಈ ಆದೇಶ ಜಾರಿಗೊಳಿಸಿತು. ಆರ್ಥಿಕ ನೀತಿಗಳ ಬಗ್ಗೆ ಕಾನೂನು ಪರಿಶೀಲನೆ ನಡೆಸಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯ ತೀರ್ಪು ನೀಡಿದೆ.

ಕೇಂದ್ರವು 2 ಕೋಟಿ ರೂ.ವರೆಗಿನ ಸಾಲದ ಮೇಲಿನ ಬಡ್ಡಿಯನ್ನು ಮನ್ನಾ ಮಾಡಿದೆ ಎಂದು ನ್ಯಾಯಾಲಯ ಹೇಳಿದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ (ಆರ್‌ಬಿಐ) ನೀಡಿರುವ ಆರು ತಿಂಗಳ ಸಾಲ ನಿಷೇಧವನ್ನು ವಿಸ್ತರಿಸುವಂತೆ ವಿವಿಧ ವ್ಯಾಪಾರ ಸಂಘಗಳು ಮತ್ತು ಕಾರ್ಪೊರೇಟ್ ಸಂಸ್ಥೆಗಳಿಂದ ಸಲ್ಲಿಸಿದ್ದ ಮನವಿಯನ್ನು ಸುಪ್ರೀಂಕೋರ್ಟ್ ಮಂಗಳವಾರ ತಿರಸ್ಕರಿಸಿದೆ.

error: Content is protected !!