ಅಕ್ಕಿ ಕೇಳಿದ್ರೆ 'ಸತ್ತು ಹೋಗಿ' ಎಂದ ಆಹಾರ ಸಚಿವ : ನೀಚ ಸರ್ಕಾರವೆಂದು ಕಿಡಿಕಾರಿದ ಕಾಂಗ್ರೆಸ್ - BC Suddi
ಅಕ್ಕಿ ಕೇಳಿದ್ರೆ ‘ಸತ್ತು ಹೋಗಿ’ ಎಂದ ಆಹಾರ ಸಚಿವ : ನೀಚ ಸರ್ಕಾರವೆಂದು ಕಿಡಿಕಾರಿದ ಕಾಂಗ್ರೆಸ್

ಅಕ್ಕಿ ಕೇಳಿದ್ರೆ ‘ಸತ್ತು ಹೋಗಿ’ ಎಂದ ಆಹಾರ ಸಚಿವ : ನೀಚ ಸರ್ಕಾರವೆಂದು ಕಿಡಿಕಾರಿದ ಕಾಂಗ್ರೆಸ್

ಬೆಂಗಳೂರು: ‘ಒಂದೆಡೆ  ಕೊರೊನಾ  ಸಾಂಕ್ರಮಿಕ ರೋಗ. ಇನೊಂದೆಡೆ ವೆ ಲಾಕ್ ಡೌನ್ ಅನಿರ್ವಾಯತೆ,’ ಹೀಗಿರುವಾಗ ರೈತನೊಬ್ಬ ಅಕ್ಕಿ ಕೇಳಿ ಆಹಾರ ಸಚಿವ ಉಮೇಶ್ ಕತ್ತಿಯವರಿಗೆ ಪೋನಾಯಿಸಿದರೆ ಸತ್ತು ಹೋಗಿ ಎಂಬ ಉಡಾಫೆಯ ಮಾತು.

ರೈತ ಸಂಘ ಗದಗ ಜಿಲ್ಲೆಯ ಕುರ್ತಕೋಟೆ ಗ್ರಾಮದ ಕಾರ್ಯಕರ್ತ ಈಶ್ವರ ಆರ್ಯರ ಎಂಬವರು ಸಚಿವ ಉಮೇಶ್ ಕತ್ತಿಗೆ ಕರೆ ಮಾಡಿ ಮಾತನಾಡಿದ್ದಾರೆ ಪಡಿತರ ಅಕ್ಕಿ ಕಡಿತಗೊಳಿಸಿರುವುದರ ಸಂಬಂಧ ಸಚಿವರನ್ನು ಪ್ರಶ್ನಿಸಿದ್ದಾರೆ. ಉತ್ತರ ಕರ್ನಾಟಕದಲ್ಲಿ ಅಕ್ಕಿ ಜೊತೆಗೆ ಜೋಳ ಕೊಡ್ತೀವಿ. ಲಾಕ್‍ಡೌನ್ ಸಂದರ್ಭದಲ್ಲಿ 5 ಕೆಜಿ ಅಕ್ಕಿ ಕೇಂದ್ರ ಸರ್ಕಾರ ಕೊಡುತ್ತೆ. ಯಾವ್ ಮುಂದಿನ ತಿಂಗಳಿನಿಂದ ಅಕ್ಕಿ ಕೊಡಲಾಗುವುದು ಎಂದು ಕತ್ತಿ ಉತ್ತರಿಸಿದ್ದಾರೆ.

ಈ ವೇಳೆ ಮಾತು ಮುಂದುವರಿಸಿದ ಈಶ್ವರ, ಲಾಕ್‍ಡೌನ್ ಇದೆ ಅಲ್ಲಿಯವರೆಗೆ ಉಪವಾಸ ಸಾಯೋದಾ ಎಂದು ಮರುಪ್ರಶ್ನೆ ಹಾಕಿದ್ದಾರೆ. ಆಗ ಸಚಿವರು, ಸಾಯೋದು ಒಳ್ಳೆಯದು, ಅದಕ್ಕಿಂತ ಮೊದಲು ಅಕ್ಕಿ ಮಾರಾಟ ಮಾಡೋ ದಂಧೆ ನಿಲ್ಲಿಸಿ ಎಂದು ಉಡಾಫೆಯ ಮಾತಾಡಿದ್ದಾರೆ. ಅಲ್ಲದೆ ಫೋನ್ ಮಾಡಬೇಡಿ ಎಂದು ಹೇಳಿ ಕಾಲ್ ಕಟ್ ಮಾಡಿದ್ದಾರೆ.

ಇನ್ನು ಈ ಘಟನೆ ಮಾಧ್ಯಮದಲ್ಲಿ ಪ್ರಸಾರವಾಗುತ್ತಿದ್ದಂತೆ ” ಜನರನ್ನು ಕೊಲೆ ಮಾಡಲೆಂದೇ ಬಿಜೆಪಿ ಬಂದಿರುವುದು. ವೈಫಲ್ಯ, ಅಯೋಗ್ಯತನದ ಜೊತೆಗೆ ಧೂರ್ತತನ, ದುರಹಂಕಾರಗಳ ಮೂಟೆ ಹೊತ್ತಿದೆ ಬಿಜೆಪಿ. ಉದ್ಯೋಗವಿಲ್ಲದೆ, ಸಂಪಾದನೆ ಇಲ್ಲದೆ ಜನ ಹಸಿವಿನಿಂದ ಸಾಯುವ ಸ್ಥಿತಿಗೆ ಬಂದಿದ್ದಾರೆ, ಈ ಹೊತ್ತಿನಲ್ಲಿ ಜನರ ನೆರವಿಗೆ ನಿಲ್ಲಬೇಕಾದ ಬಿಜೆಪಿ ಸರ್ಕಾರ ಸತ್ತು ಹೋಗಿ ಎನ್ನುವ ನೀಚತನಕ್ಕೆ ಇಳಿದಿದೆ” ಎಂದು ಆಕ್ರೋಶ ವ್ಯಕ್ತಪಡಿಸಿ ಕಾಂಗ್ರೆಸ್ ಟ್ವೀಟ್ ಮಾಡಿದೆ.

 ಮುಖ್ಯಮಂತ್ರಿ ಬಿಎಸ್‌ವೈ ಅವರೇ ಸೋಂಕನ್ನು ರಾಜ್ಯದಾದ್ಯಂತ ಹಬ್ಬಿಸುವ ಹರಕೆಯನ್ನು ಯಾವ ದೇವರಿಗೆ ಹೊತ್ತಿದ್ದೀರಿ: ಕಾಂಗ್ರೆಸ್‌‌